Snart klar for ny Norgeshus Seilmakeren Doublehanded?

Velkomen til ein "ny" Norgeshus Seilmakeren Doublehanded

12. april 2018

No opnar vi for påmelding til ein tradisjonsrik men likevel heilt ny regatta: Norgeshus Seilmakeren Doublehanded 2018!

Mykje er ved det gamle, men nytt av året er at vi ikkje legg inn ein pitstop undervegs; seglasen går i eit løp sør til Ramsholmane nordaust på Sletta, og etter runding av desse holmane går løpet attende til mål i Lerøyosen. Dette gjer løpet ca 20 mil kortare enn det var då det gjekk til Haugesund, men samstundes blir det ei ekstra utfordring for seglarane å måtta segla så pass langt utan at begge får kvila samstundes i ein pitstopp.
Du finn kunngjeringa for regattaen under menyen "For deltagerne", og det er no opna for påmelding.